في عالم تصنيع الأعلاف، تبقى مرحلة خلاطات الأعلاف واحدة من أكثر المراحل حساسية وأهمية. لأنها ببساطة هي اللي بتحقق العدالة بين كل مكوّن في الخلطة.

سواء كنت تعمل على علف دواجن، مواشي، أسماك أو أرانب، لابد أن تعلم أن جودة المنتج النهائي بتبدأ من مكان اسمه: الخلاط.

داخل مصنع الأدهم، نقدم لك خلاطات تراعي جميع التفاصيل  … من التصميم، إلى القدرة، إلى سرعة الخلط، وجميعها مصنوعة  لتعمل معك  بكفاءة ودقة في كل دفعة.

وظيفة الخلاط في خط إنتاج الأعلاف

الخلاط بيستقبل المكونات بعد الطحن وبيخلطها مع بعض بنسبة تجانس لا تقل عن 98%، والهدف الأساسي هو إن كل شكارة علف تطلع بنفس القيمة الغذائية، ونفس النسب، علشان الحيوان ياخد احتياجه كامل من أول وجبة.

أنواع الخلاطات في مصنع الأدهم

🔹 أول نوع عندنا هو خلاط 72×200 سم
وده مثالي للمصانع الصغيرة أو خطوط الإنتاج اللي بتشتغل على سعة نص طن في كل دورة. الخلاط ده بيشتغل بموتور 10 حصان، وبيكون مناسب لعلف الدواجن بوزن تقريبي نص طن، أو حوالي 350 كيلو لعلف المواشي. بيتميز بأنه اقتصادي وسهل في التشغيل وسريع في الخلط، بياخد حوالي 4 دقائق في الدورة الكاملة.

🔹 النوع التاني هو خلاط 90×300 سم
ده مستوى متوسط، بيشتغل بموتور 20 حصان، وبيقدر يخلط لحد طن دواجن أو حوالي 700 كيلو علف مواشي في الدورة الواحدة. ده مناسب جدًا للمصانع اللي بتشتغل على طاقة إنتاجية 3 طن/ساعة وبتحتاج تجانس سريع مع قدرة تحمّل عالية.

🔹 النوع الثالث هو خلاط 120×300 سم
وده بقى العملاق الحقيقي للمصانع اللي شغلها تقيل. السعة فيه توصل لـ طن ونص علف دواجن، أو حوالي طن علف مواشي. بيشتغل بموتور 30 حصان، وبيحتوي على جيربوكس تمساح 450 لتحويل السرعة من 1400 لفة إلى 29 لفة في الدقيقة، علشان يديك عزم قوي ويوزع المكونات بشكل دقيق. العمود الأساسي فيه بقطر 120 مم، مدعوم بأعمدة فرعية بقطر 30 مم، والخوص الحلزونية بتكون مزدوجة بعرض داخلي وخارجي لضمان قلب الخلطة كويس.

مميزات خلاطات مصنع الأدهم

✅ تصميم صناعي قوي – الأجناب مصنوعة من صاج بسماكة 6 إلى 8 مم حسب المقاس، والقعدة مدعمة بكمر مجرى لضمان الثبات.
✅ دقة تجانس عالية – تصل إلى 98% خلال 4 دقائق فقط.
✅ صيانة سهلة – التصميم كله بفك ورباط، مفيش لحام معقد، تقدر تفك وتغيّر قطع الغيار بسهولة.
✅ مرونة في الاستخدام – تنفع تخلط خامات علف دواجن أو مواشي بنفس الكفاءة.
✅ متوفرة بمقاسات متعددة – تقدر تختار الحجم اللي يناسب خط إنتاجك بدقة، من نص طن إلى طن ونص.

لماذا أصبح الخلاط عاملا أساسيا في نجاح خط الإنتاج 

لو الخلط مش دقيق، العلف هيكون غير متجانس = الحيوان مش هياخد احتياجه الغذائي كامل
لو زمن الخلط طويل = هتأخّر خط الإنتاج وتقل الكفاءة
لو التصميم ضعيف = الخلاط هيهدر خامات وهيبوظ بسرعة
لكن مع خلاطات الأدهم، بتضمن كفاءة عالية، سرعة، تجانس، وعمر طويل
 
ختامًا.. الخلاط ليس مرحلة عابرة، إنما الخلاط هو القلب النابض لكل خلطة بتتعب في تركيبها.